Публикации » Вĕсен вăйĕ – пĕрлĕхре

Коопераци ĕçченĕсем хăйсен профессиллĕ уявне паллă турĕç.

Районти райпо коллективĕ коопераци вăйĕ пĕрлĕхре пулнине ăнланса малалла çирĕп утать. Ку тытăмра ĕçлекенсем халăх кăмăлне тивĕçтерессине тĕпе хураççĕ. Социаллă миссие пурнăçланă тата ĕç-хĕле нумай енлĕ аталантарнă май, райпо Канашĕ çĕнĕрен те çĕнĕ ĕç вырăнĕсем уçать, çынсенчен ял хуçалăх продукцине, çут çанталăк пурлăхне пуçтарать, аякри ялсенчи тупăшлă мар лавккасене те тытса тăрать... Çавăн пек чуна парса ĕçленишĕн влаç çыннисем хисеплеççĕ, ял çыннисем вара райпора хăйсен тĕревне тата шанăçне кураççĕ. Халăх ырлăхĕшĕн ĕçлекенсем ырă ята тивĕçех.

Акă уявра "Раççей потребкооперацийĕнче тÿрĕ кăмăлпа ĕçленĕшĕн" паллăна кăлпасси тăвакан цехăн мастерĕ Е.Глибина, Н.Сергеева повар, А.Архипова кассир тивĕçрĕç. "20 çул потребкооперацийĕнче лайăх ĕçленĕшĕн" паллăпа председатель правленийĕн кадр енĕпе тимлекен çумне Г.Яркинана наградăларĕç, 25 çул вăй хунăшăн – В.Тимкина товароведа, 30 çул тимленĕшĕн – Л.Данилована ("Четайское" ТЯО-н тĕп бухгалтерне), 40 çул ĕçленĕшĕн – М.Микишинана (производство комбиначĕн тĕп бухгалтерне). В.Максюткин (техника ыйтăвĕсемпе ĕçлекен çумĕ), Н.Таерова (повар), С.Ешмейкин (тĕтĕмлекен цехăн ĕçченĕ) РФ Центросоюзăн Хисеп грамотиллĕ пулчĕç. "Питание" ТЯО-н тĕп директорĕн çумне В.Патьянована "РФ потребкоопераци ветеранĕ" ятпа чысларĕç. "Раççейри кооператив юхăмĕн çамрăк лидерĕ" паллăна Е.Тихоновапа (экономист) Е.Кудряшова (бухгалтер) тивĕçрĕç.

Ĕçе тÿрĕ кăмăлпа пурнăçланăшăн Чăвашпотребсоюзăн Хисеп грамотипе Е.Григорьевскаяна (Яманкасси), М.Ульянована ("Çăкăр" лавкка), Ф.Максимована (Хăмаркка) хавхалантарчĕç. "ЧР потребкооперацин ветеранĕ" ята илнипе В.Васькована (правленин председателĕ) саламларĕç. "Четайское" ТЯО-на ертсе пыракан Ю.Яндайкинăн ĕçне вара Тав Çырăвĕпе хакларĕç. Чăвашпотребсоюзăн Хисеп хăмине çулсеренех райпо тытăмĕнче тÿрĕ кăмăлпа ĕçлекенсен сăнĕсемпе пуянлатаççĕ. Н.Соколова товароведăн ятне те шăпах çÿлерех асăннă Хисеп хăмине кĕртме палăртнă.

Çавăн пекех кăçалхи ĕç кăтартăвĕсене лайăхлатнăшăн чылай лавккан заведующийĕсем райпон Хисеп грамотине илчĕç.