Публикации » Кашнийĕнех çемьере пурăнма ирĕк пур

31 марта 2010 г.

Паянхи пурнăçра право пĕлĕвĕ илни пĕлтерĕшлĕ. Право нормисем мĕн тума юранипе юраманнине палăртаççĕ, ку е вăл лару-тăрура хăвна мĕнле тытмаллине вĕрентеççĕ. Çавăнпа та "Пилеш" ача садĕнче шкул çулне çитменнисене право воспитанийĕ парассипе тăтăшах ĕçлеççĕ. Сăмахран, мартăн 25-мĕшĕнче кунта шкул çулне çитмен учрежденисенче тимлекен воспитательсен методпĕрлешĕвĕ иртнĕ. Çавна май "А" вăтам ушкăнăн воспитателĕ С.Храмова "Правасем çинчен выляса" ятпа интереслĕ заняти йĕркеленĕ. Светлана Валерьевна тĕрлĕ меслетсемпе усă курса пурăнма, çурт-йĕрлĕ пулма кашнин ирĕк пулнине палăртнă. "Б" вăтам ушкăнăн воспитателĕ С.Николаева шăпăрлансене ачан прави çинчен калакан Конвенципе паллаштарнă, кашни çыннăнах çемьере пурăнма ирĕк пуррине каланă.

Источник: "Пирěн пурнăç"