Публикации » «Чи лайăх предприниматель»

20 января 2010 г.

Пĕчĕк тата вăтам бизнес – экономикăна туртакан вăй. Çавăнпах ĕнтĕ патшалăх политикин тĕп тĕллевĕсенчен пĕри – пĕчĕк тата вăтам бизнеса пулăшасси. ЧР Экономика аталанăвĕпе суту-илÿ министерстви предпринимательсене хавхалантарас ĕмĕтпе тĕрлĕ мероприяти йĕркелет. Вĕсенчен пĕри – «Чăваш Енри чи лайăх предприниматель» конкурс. Малтанхи çулсенчи пекех 2009 çулта та унта хутшăнас текен чылай пулнă. Жюрин 250 яхăн ĕçе пăхса тухма тивнĕ. Комисси членĕсем предприниматель ĕçĕн социаллă экономика пĕлтерĕшне, компанин шалти политикине, çулталăкра кĕртнĕ çĕнĕ ĕç вырăнĕсен йышне, налук тÿлесси мĕнле пулса пынине шута илнĕ. Палăртма кăмăллă, çĕнтерÿçĕсен йышĕнче пирĕн районти «Янтарь» ООО та пур.

Источник: "Пирěн пурнăç"