10 марта 2007 г.
“Вĕрентÿ” наци проекчĕ - чи ăнăçлă проектсенчен пĕри. Вăл Чăваш Енре уйрăмах тухăçлă пурнăçланать. Ăна пулах нумай-нумай шкул çĕнĕлле ĕçлеме пуçларĕ.
Акă, Мăн Этмен шкулĕнче вырăс чĕлхипе литература предмечĕсене вĕрентекен З.Г.Полозина çут тĕнчене учитель пулмах килнĕ тесе калас килет. Вăл республика шайĕнче йĕркеленĕ “Чи лайăх класс ертÿçи” зонăри конкурса хутшăнма ирĕк çĕнсе илме пултарнă. Вăл Çĕмĕрле хулинче иртнĕ. Зинаида Григорьевна тĕрлĕ тĕрĕслев витĕр тухса, лайăх кăтартупа палăрса финалти конкурса хутшăнма тивĕçнĕ.
Сăмах май, З.Г.Полозинан пĕтĕмĕшле педагогика стажĕ - 16 çул, вĕсенчен 15 çул хушши класс ертÿçи пулнă. Вăл I категориллĕ педагог. Паянхи кун Зинаида Григорьевна 6 “А” класа ертсе пырать.
Районти чи лайăх класс ертÿçине малашлăхра ăнăçу сунатпăр.
Источник: "Пирěн пурнăç"