08 июня 2011 г.
Раççей Федерацийĕн Вĕренÿ министерстви йĕркеленĕ Пĕтĕм Раççейри саккăрмĕш классем хушшинчи "Чи лайăх вĕренекен – 2011" конкурса Мăн Этменти пĕтĕмĕшле пĕлÿ паракан вăтам шкулти Анастасия Ельмова хутшăнса пĕрремĕш, иккĕмĕш, виççĕмĕш турсенче чи пысăк балл пухса финала тухма пултарнă, "Чи лайăх вĕренекен – 2011" ята çĕнсе илсе сертификата тивĕçнĕ. Конкурс кашни предметпа вĕренекенĕн пĕлÿ шайне тĕрĕсленĕ, 100 ытла ачаран 13-шĕ кăна финала тухма пултарнă.
Паянхи кун Настя çĕнтерÿ этапне хатĕрленет, унăн чи лайăх вĕренекен пулнине презентаципе ĕнентерме тивĕ.