30 декабря 2010 г.
Çулталăк вĕçленес умĕн пултаруллă, талантлă, мал ĕмĕтлĕ педагогсене ятарлă стипендипе чысласси йăлана кĕнĕ ĕнтĕ. Кăçал Вĕрентекен çулталăкне пĕтĕмлетсе уяв ирттернĕ вăхăтра шăпах маттуррисене Чăваш Патшалăх Канашĕн депутачĕ Н.Малов ятран паракан стипендие тивĕçме май паракан сертификатсем панă. Пысăк чыс-хисепе Атнар шкулĕнчи Г.Савельева, Мăн Этменти Г.Кукушкина, Хĕрлĕ Чутайри Э.Романов, Çĕн Атикассинчи Л.Шишкова, Питĕркассинчи Л.Жукова вĕрентекенсем тивĕçнĕ. Вĕсем кашниех хăйсен ĕçĕнче пысăк кăтартусене çĕнсе илнĕ, шкул ачисем хушшинче те хисепре.