06 августа 2008 г.
РФ Президенчĕн грантне çĕнсе илессишĕн пыракан конкурс кăçалхипе виççĕмĕш хут иртрĕ. Унта республикăри 479 вĕрентекен хутшăннă, вĕсенчен 112-шĕ çак премие тивĕçнĕ. Професси ăсталăхĕн конкурсне Мăн Этмен шкулĕн истори предмечĕн преподавателĕ Николай Иванович Полозин та хутшăннă, “Вĕрентÿ” наци проекчĕпе килĕшÿллĕн 100 пин тенкĕлĕх гранта çĕнсе илнĕ.
Сăмах май, Н.И.Полозин педагогика ĕçĕнче 18 çул тăрăшать. Унăн вĕренекенĕсем Патшалăхăн пĕрлехи экзаменĕсене те аван кăтартусемпе тытаççĕ, республика, район шайĕнчи предметлă олимпиадăсенче ăспа, тавçăрулăхпа палăраççĕ. Кăçалхи вĕренÿ çулĕнче унăн вĕренекенĕ А.Зиновьев Мускаври “Умники и умницы” телепередачăна хутшăнчĕ.
Палăртас килет, иртнĕ çул Николай Ивановичăн мăшăрĕ Зинаида Григорьевна та РФ Президенчĕн грантне тивĕçрĕ.
Источник: "Пирěн пурнăç"