02 июля 2008 г.
Республика кунне халалласа Çĕмĕрлере иртнĕ уявра çăмăл атлетсен пысăк кĕрешĕвĕ пулнă.
Мероприятисене Чăваш Енри легендарлă çăмăл атлет А.Игнатьев ячĕллĕ аслă спорт шкулĕ йĕркелесе пынă. Тупăшăва районти чи пултаруллă çăмăл атлетсем хутшăннă. Вĕсем тĕрлĕ дистанцисенче чупса район чысне çĕкленĕ. Акă, спортра пысăк шанчăк паракан Хĕрлĕ Чутай хĕрĕ Алиса Патьянова (тренерĕ Г.Мидейкина) 400 метра 1 минут та 4 çеккунтра чупса тухса çĕнĕ рекорд тунă – пĕрремĕш вырăн çĕнсе илнĕ. 100 метрлă дистанцие 13 çеккунтра парăнтарса Атнар пики Анжела Андреева палăрнă. Вăл финиша иккĕмĕш çитнĕ. Ку та хăйне майлă рекорд.
Çĕнтерÿ тунă спортсменсем уявран тулли кăмăлпа таврăннă.
Источник: "Пирěн пурнăç"