16 января 2008 г.
Выльăх-чĕрлĕхе ăшă витесенче тытасси, лайăх тăрантарасси, продуктивлăха ÿстересси – паянхи тĕп тĕллев.
Райадминистрацин зоотехникĕ А.В.Елизарова пĕлтернĕ тăрăх, районĕпе вăтам сăвăм 7, 8 килогрампа танлашать. Ку вăл пĕлтĕрхи чухлех. “Коминтерн” ЯХПКра ĕçсем ăнăçлă пыраççĕ. Кунта выльăх апатне тĕрлĕ майпа тутлăлантарса параççĕ. Хальхи вăхăтра кашни ĕне 11, 2 килограмм сĕт антарать. Комплексри ĕçченсен кăтартăвĕ татах та пысăкрах.
“Свобода” колхозри дояркăсем талăкра 10, 9 килограмм сĕт сăваççĕ, В.Никитин фермер хуçалăхĕн – 9, 8, “Нива” – 7, 9. Шел те, “Путь Ильича”, “Авангард” хуçалăхсенче продукци сахал илеççĕ. Туриçĕрпÿкассисен кăтартăвĕ те савăнтармасть – кулленхи сăвăм 5, 5 килограмм çеç.