19 июня 2007 г.
Иртнĕ шăмат кун, июнĕн 16-мĕшĕнче, пирĕн районта ĕçлĕ çÿревпе Раççей Патшалăх Думин Çĕршывсен хушшинчи ĕçсен комитечĕн председателĕ, “Единая Россия” политика партийĕн Генеральнăй Канашĕн президиумĕн секретарĕн çумĕ Константин Иосифович Косачев пулчĕ.
Сăмах май, К.И.Косачев пирĕн районта пĕлтĕрхи çул августăн 19-мĕшĕнче ĕçлĕ çÿревпе пулнăччĕ. Ун чухне вăл “Коминтерн” ЯХПК-ра пулнăччĕ, унти ĕç-хĕлпе паллашнă, наци проекчĕ пурнăçланса пынипе кăмăллă пулнă. Çавăн пекех иртнĕ çул Константин Иосифович сысна комплексĕ патне çити асфальтлă çул çитерме шантарнă. Каланă - тунă темелле. Чăнах та, Раççей Патшалăх Думин çĕршывсен хушшинчи ĕçсен комитечĕн председателĕ, “Единая Россия” политика партийĕн Генеральнăй пĕтĕм Раççейри Канашĕн президиумĕн секретарĕн çумĕ Константин Иосифович Косачев тăрăшнипе 480 метр тăсăлакан асфальтлă çул ялпа сысна комплексне пĕрлештерчĕ тесен те юрать. Йăлана кĕнĕ тăрăх, район пуçлăхĕ А.И.Криков, Раççей Патшалăх Думин çĕршывсен хушшинчи ĕçсен комитечĕн председателĕ К.И. Косачев, Чăваш Республикин Хула тата строительствин обществăлла инфратытăмĕн министрĕ А.Гончаров, “Коминтерн” ЯХПК ертÿçи А.Б. Новикова хĕрлĕ хăю касрĕç, унтан çĕнĕ çул-йĕр тăрăх кайса “Коминтерн” ял хуçалăх кооперативĕн сысна комплексне çитсе унти лару-тăрупа паллашрĕç.
Источник: "Пирěн пурнăç"