25 октября 2019 г.
Хĕрлĕ Чутай районĕнчи Атнар ял тăрăхĕнче Михаил Игнатьевăн «Чăваш Республикин территорийĕнче вырăнти пуҫарăва тĕпе хурса общество инфратытăмĕн проекчĕсене пурнăҫласси ҫинчен» указне пурнăҫласа кăҫал темиҫе проекта ĕҫе кĕртнĕ.
Сорăм ялĕнче ача-пăча лапамĕ тата ял тăрăхĕнче йăлари хытă каяша пухмалли контейнерсем лартма 25 лапам тунă. Атнарта тренажерсем вырнаҫтарнă, Атнарпа Трапай ялĕсенчи икĕ урамри ҫулсене юсанă. Туканаш ялĕнче пушара сӳнтерме шыв пухмалли пĕве тума тытăннă. Çак уйăхра Трапай ялĕнче те ача-пача лапамне майлаштараҫҫĕ.
Страницăна Валентин Григорьевпа Юрий Михайлов хатĕрленĕ.
Источник: "Хыпар"