Публикации » Кĕрхи çĕртме тăваççĕ

Тыр-пул туса илес, выльăх апачĕ хатĕрлес тата ытти енĕпе те «Коминтерн» хуçалăх ырă тĕслĕх кăтартать. Пĕрчĕллĕ тата пăрçа йышши культурăсене пухса кĕртсенех кунти ĕçченсем 706 гектар çинче кĕр аки туса хăварнă. Хальхи вăхăтра Ю.Татаров, А.Фондеркин, Н.Лаврентьев, И.Пономарев механизаторсем кĕрхи çĕртме тăвассипе хастар ĕçлеççĕ. Хуçалăх ертÿçи А.Б.Новикова пĕлтернĕ тăрăх, паянхи куна 300 гектар ытла çĕр хатĕрленĕ. Вĕсем кăçал 700 гектар çĕр сухаласа хăварма палăртаççĕ.

Çавăн пекех хуçалăх ĕçченĕсем çитес çул валли вăрлăх çителĕклĕ хатĕрленĕ, ăна ака стандартне çитернĕ. Кунти кĕлетсенче клевер, судан курăкĕ, рапс, пăрçа йышши культурăсем (бобы) сутлăх та чылай.

Атнарсем çитес çулхи тухăçшăн паян ырми-канми тăрăшаççĕ.