14 февраля 2009 г.
Поизводствăра инкек-синкек ан пултăр тесен ĕç условийĕсене лайăхлатмалла, хуçалăхсенче ятарлă специалистсем пулмалла.
2008 çулхи кăтартусем тăрăх, «Коминтерн» ЯХПКра ĕç вырăнĕнче инкек пулнă, вăй питти арçын йывăр суранланнă. Ытти предприяти-организацисенче ĕç сыхлавĕн йĕркисене пăснă тĕслĕхсем пулман. 2007 çулта вара ĕç вырăнĕсенче пăснă 2 йывăр тĕслĕхе регистрациленĕ тата тепĕр инкек вилĕмпе вĕçленнĕ – «Нива» ял хуçалăх кооперативĕнчи фермăра пулнă пушарта çын пурнăçĕ татăлнă.
Палăртмалла, иртнĕ çул ĕç сыхлавĕн специалисчĕсем яваплăха туйса ĕçленĕренех производствăри инкексен шучĕ чакнă. Уйрăмах тăрăшуллисенчен А.Шипеева («Нива»), Д.Мигушкина («Коминтерн», И.Гаврилова (коммуналлă хуçалăхри «Пилеш» ача сачĕ, А.Майорова (райпо), М.Мареевана (тĕп библиотека) тата ыттисене те асăнмалла.
Источник: "Пирěн пурнăç"