31 августа 2018 г.
Шалти ĕçсен пайĕ, çул-йĕр инспекцийĕ енĕпе, паспорт илес тесен пĕрлехи портал урлă пулăшу мĕнле илмелли пирки çынсен халĕ те ыйтусем çуралаççĕ. Çак енĕпе ăнлантару ĕçĕсем ирттерес тĕллевпе августăн 22-мĕшĕнче полици ĕçченĕсем район территорийĕнче акци ирттерчĕç.
Райадминистрацинче граждансемпе тĕл пулса эпир пĕрлехи порталта мĕнле регистраци тумаллине ăнлантартăмăр, унпа усă курса патшалăх пулăшăвĕсене мĕнле илмеллине туллин уçса патăмăр. Çавăн пекех граждансене кăсăклантаракан ыйтусем çине хуравларăмăр.
Кун пек акцисене эпир кашни уйăхрах йĕркелетпĕр, малашне ял тăрăхĕсене çитсе граждансене патшалăх пулăшăвĕсем пирки ăнлантарăпăр. Енчен те граждансен çакăн пек тĕлпулăва хутшăнма кăмăл пулсан 2-11-92 номерпе шăнкăравлама ыйтатпăр. Тĕлпулу пирки ял тăрăхĕсен пуçлăхĕсем урлă калаçса татăлма та пулать.
Е.ШОРНИКОВА, районти полици уйрăмĕн миграци пункчĕн тĕп эксперт специалисчĕ.
Источник: "Пирěн пурнăç"