Публикации » Йĕлтĕрçĕсем старта тухрĕç

Январĕн 19-мĕшĕнче йĕлтĕрпе чупма кăмăллакансем Кăшарни уявне халалланă "Хĕл – 2013" массăллă ăмăртăва хутшăнчĕç.

Район администрацийĕн, ял тăрăхĕсен, тĕрлĕ организацисемпе предприятисен спортсменĕсемпе сывă пурнăç йĕркине пăхăнаканĕсем Ишеккасси çывăхĕнчи вăрмана пухăнчĕç, йĕлтĕр йĕрĕ çине тăрса старта тухрĕç. Ăмăртăва хутшăнакансем çулĕсене кура 1,5 тата 3 километрлă дистанцисене парăнтарчĕç.

Арçынсем хушшинче финиша пĕрремĕш çаксем çитрĕç:

- 19-29 çулхисенчен – Александр Горшков (Тралькасси ял тăрăхĕ);

- 40-49 çулхисенчен – Владимир Михуткин ("Ростелеком" УАО-н районти çыхăну узелĕ);

- 50-59 çулхисенчен – Владимир Элеменкин ("Хастар" ФСК);

- 60 çултан аслăраххисенчен – Валентин Харитонов (Хусанушкăнь ял тăрăхĕ).

Хĕрарăмсем хушшинче малти вырăна çаксем тухма пултарчĕç:

- 19-29 çулхисенчен – Лариса Кандейкина (Хĕрлĕ Чутайри Культурăпа кану центрĕ);

- 30-39 çулхисенчен – Алина Трифонова (Хĕрлĕ Чутайри тĕп больница);

- 40-49 çулхисенчен – Алевтина Дадюкова (райадминистраци);

- 50-59 çулхисенчен – Римма Вазякова (Пантьăк ял тăрăхĕ);

- 60 çултан аслăраххисенчен Людмила Михуткина ("Хастар" ФСК).

Ăмăрту çĕнтерÿçисем тата призерĕсем пурте район администрацийĕн Хисеп грамотине тивĕçрĕç. Çанталăк лайăх тата йĕлтĕр йĕрĕ аван пулнăран спортсменсем уявпа кăмăллă юлчĕç.