29 января 2014 г.
2014 çулхи пĕрремĕш уйăх кăна вĕçленет пулин те пĕлтĕрхи çак тапхăртипе танлаштарсан кăçал пушарсем икĕ хут ытларах пулчĕç. Акă иртнĕ шăмат кун çĕрле иртсен Серенкассинчи Колхоз урамĕнче Ю.А.Мидушкин хуçалăхĕнче вут-çулăм алхаснă, кил-çурт çунса кĕлленнĕ. Кил хуçи килте пулман, вăл Чулхула облаçне ĕçлеме кайнă. Килте вара 17 çулхи йĕкĕреш ывăлĕсем кăна пурăннă, пушар тухнă вăхăтра вĕсем те пÿртре ларман. Пушар сăлтавĕ – розетка хĕмленсе ларни.
Сивĕ çанталăк тăнă май, районта пурăнакансене кăмакасен юсавлăхне асăрхаса тăма ыйтас килет. Çавăн пекех хăвăр тĕллĕн тунă приборсемпе усă курмалла мар, электроприборсемпе те тимлĕ пулмалла.
А.ЯРАБАЕВ, районти пушар хурал чаçĕн аслă инспекторĕ.
Источник: "Пирěн пурнăç"