18 августа 2013 г.
Пушар çын пурнăçĕпе пурлăхĕ умне хăрушлăх кăларса тăратать, вут-çулăмпа çын кун-çулĕ татăлма, унăн ĕмĕр тăршшĕпе пухнă пурлăх пĕтĕмпех пĕтме пултарать.
Кăçалхи даннăйсем çапларах,13-мĕш август тĕлне районта 21 пушар тухнине регистрацилерĕмĕр. Пĕтĕмĕшле тăкакăн сумми 950 пин тенкĕпе танлашать. Вут-çулăмра икĕ çын пурнăçĕ татăлнă. Вут алхаснин сăлтавĕ – йăлари электричество хатĕрĕсемпе усă курнă чухне пушар хăрушсăрлăхĕн правилисене пăхăнманни.
Çапла, августăн 6-мĕшĕнче 18 сехет те 15 минутра Штанаш салинче пурăнакан А.В.Андреев кил хуçалăхĕнче сарай çунма пуçланă. Пушар чаçĕн ĕçченĕсем вырăна çитсе вут-çулăмпа кĕрешнĕ пулин те пĕренерен тунă сарай тĕппипех çунса кайнă. Кил хуçисен кирпĕч çурчĕн çи виттийĕ юрăхсăра тухнă, пурăнман йывăç çуртăн çи виттине вара вут-çулăмран сыхласа хăварайман.
Çапла пулса ан тухтăр тесен ансат правилăсене кăна пăхăнмалла: электричество сечĕсене ытлашши тиев тивесрен сыхламалла, кивĕ, юрăхсăра тухнă электропралуксене вăхăтра улăштармалла, яланах юсавлă электричество хатĕрĕсемпе усă курмалла, çавăн пекех пушар хăрушсăрлăхĕн правилисене пăхăнмалла.
А.ЯРАБАЕВ, аслă инспектор.
Источник: "Пирěн пурнăç"