Публикации » Шывăн турачĕ çук

Халăх шăрăх çанталăка тÿсеймесĕр шыв хĕррине илĕнет. Сывлăш температури 40 градуса та çитрĕ-çке. Çавна май çынсем чылай чухне хăрушсăрлăх йĕркисене пăхăнсах та каймаççĕ: пĕлмен вырăнта е эрех сыпса шыва кĕреççĕ, ача-пăча аслисемсĕр пĕве-кÿлĕ хĕррине анать... Шывăн турачĕ çукки çинчен манаççĕ тейĕн. Акă райадминистрацин гражданла оборона тата чрезвычайлă лару-тăрусен пайĕнчен пĕлтернĕ тăрăх, çу пуçланнăранпа район территорийĕнчи пĕве-кÿлĕсенче тата Сăр юхан шывĕнче тăватă çын путса вилнĕ – пурте арçынсем. Акă июлĕн 24-мĕшĕнче Шулюри арçынпа пăтăрмах пулнă. Вăл Сăрта шыва кĕнĕ те – тип çĕр çине каялла тухайман.

Шыва кĕмелли тапхăр вĕçленмен-ха. Шыв çăмăлттайлăха, эрехпе иртĕхнине, тимсĕрлĕхе каçармасть. Шыв хĕррине ансан пĕчĕк шăпăрлансене куçран ан вĕçертĕр. Сыхăлăх яланах кирлĕ.