06 декабря 2008 г.
Иртнĕ эрнере районти çамрăк шахматистсем республикăри ЧР Президенчĕн Кубокне çĕнсе илессишĕн пынă Спартакиадăн финалти вăййисене хутшăннă.
Пĕрремĕш вырăна çĕнсе илессишĕн 6 команда кĕрешнĕ. Палăртма кăмăллă, тупăшура Олег Коршуновпа Алексей Долгов (Хĕрлĕ Чутай), Петр Майоров (Яманкасси), Надежда Рябикова (Шулю) хăйсене лайăх енчен кăтартнă. Команда зачетĕнче пирĕн район спортсменĕсем çĕнĕшупашкарсене мала ирттерсе иккĕмĕш вырăна тивĕçнĕ, виççĕмĕш – Шупашкар хулин Калинин районĕн шахматисчĕсем.
Çамрăк каччăсен кĕрешĕвĕнче уйрăмах О.Коршунов пысăк çитĕнÿ тунă, командăна чи нумай очко кÿнĕ.
Источник: "Пирěн пурнăç"