18 декабря 2007 г.
Райцентр сăнĕ кунран кун улшăнса, хитреленсех пырать. Вăл кунти хăш-пĕр предприятисемпе учрежденисем, организацисем çĕнĕ — 2008 çула хатĕрленсе, хăйсен çурт-йĕрĕсене капăрлатнипе те çыхăннă, паллах.
Яланхи евĕрех, чи малтан районти çурт-йĕрпе коммуналлă хуçалăхăн муниципаллă предприятийĕнче. электрогирляндăсем ялкăшса çиçме пуçларĕç. Унтан райпон суту-илÿ точкисен, районти электроçыхăну узелĕн, ытти учрежденисемпе организацисен çурчĕсене уяв сăнĕ кĕчĕ. Çĕнĕ — 2008 çулччен шутлă кунсем юлчĕç. Апла пулсан вырăнсенче, ăна тивĕçлипе кĕтсе илес тесе, хамăртан мĕн килнине пурне те тума тăрăшар: çурт-йĕрсене Çĕнĕ çул сăнĕ кĕртер, тавралăха илем кÿрер.
Источник: "Ял пурнăçĕ" (Красноармейская районная газета)