19 октября 2007 г.
Йăлана кĕнĕ йĕркепе “Упи — Красноармейски” чупăвăн старчĕсене (вĕренекенсем Кивĕ Йĕкĕтрен чупнă) гимназистсем кăçал та хастар хутшăнчĕç. Районти тантăшĕсем хушшинче çамрăксем пĕрремĕшсем (пурĕ 28 вĕренекен) пулчĕç. Алена Егорова (9 “б”) тата вуннăмĕшĕнчи Марина Степанова иккĕмĕш кăтартупа савăнтарчĕç. Константин Львовпа (9 “а”) Павел Михайлов (10) — виççĕмĕшсем.
Педагогсем те ырă тĕслĕхпе яш-кĕрĕме савăнтарчĕç. Акă, А. И. Сидоров хăйĕн ÿсĕмĕнче — иккĕмĕш, В. З. Константинов, В. В. Моисеев, О. Б. Кузнецов тата И. Ю. Иванова виççĕмĕш кăтартупа палăрчĕç. Чупура палăрнисене дипломпа тата асăнмалăх парнесемпе чысланă.
Источник: "Ял пурнăçĕ" (Красноармейская районная газета)