Публикации » Ялта пурăнакансене — çăмăллăхлă ипотека

12 ноября 2019 г.

2020 çултан ялта пурăнакансене çăмăллăхлă ипотека пама тытăнаççĕ. Ăна яллă вырăнсенче пурăнма тĕллев тытнă, çĕнĕ çурт-йĕр çĕклеме палăртакансене параççĕ. Пĕрремĕш кредитсене 2020 çулхи январь уйăхĕнчен пама пăхаççĕ. Займăн виçи — 3 мил. тенкĕ, ипотекăна 25 çуллăха параççĕ, ссудăн малтанхи виçи 10 процентпа танлашать. Пурăнмалли çурт-йĕр кредичĕн çулталăкри ставки 3 процент. Çăмăллăхлă ипотекăна ялта пурăнакансене çурт-йĕр туянас тата ăна çĕклесе лартма параççĕ. Патшалăх енчен паракан асăннă пулăшăва Раççей Федерацийĕн 21-65 çулсенчи гражданĕсем пĕр хутчен кăна тивĕçеççĕ.

Источник: "Ял пурнăçĕ" (Красноармейская районная газета)