01 ноября 2019 г.
Юпа уйăхĕн 29-мĕшĕнче Красноармейски ялĕнчи “Çĕнтерĕве 30 çул” урамри 5-мĕш çурт умне ыттисем пек мар палăк вырнаçтарчĕç. Пирĕн çине пăхăртан тунă, тасалăхшăн тăрăшакан, сылтăм аллине шăпăр, сулахайне “Пирĕн тĕллев — таса ял” тесе çырнă вымпел тытнă дворник тулли кăмăлпа пăхать. Дворник хăй ĕçне тỹрĕ кăмăлпа пурнăçланинчен урамсенчи тасалăх килет. Çынсем çывăрнă чухне кирек епле çанталăкра та автотранспорт хуçисене чăрмантармасăр урамсене, картишсене тасатса тухать вăл. Çапла вара малашне Трак енри тасалăха тимĕр дворник “пăхса тăрĕ”.
Источник: "Ял пурнăçĕ" (Красноармейская районная газета)