26 января 2018 г.
Красноармейскинчи спорт комплексĕнче, Сывлăхпа спорт кунне тата Раççейри футбол енĕпе тĕнче чемпионатне халалласа, мини-футбол енĕпе “2018 “Кубок” турнир иртрĕ. Тупăшăва 6 команда хутшăнчĕ: “Унга” (Чатукасси), “Яшкильдино”, “Спортинг” тата “Факел” (Красноармейски), “Легион” (Именкасси-Яманак), “Шатьма” (Мăн Шетмĕ). Вĕсем икĕ ушкăна пайланса вылярĕç. Вăйăсем 10-шар минутлăх икшер таймпа пычĕç. Çурма финала вăйлă икшер команда тухрĕç. Финалта “Спортинг”, “Яшкильдино” командăна 3:1 шутпа парăнтарса, турнир çĕнтерỹçи пулса тăчĕ. Ăмăртусен чи лайăх вратарĕ тесе Владимир Величкона (“Спортинг”), чи лайăх хỹтĕлевçе Дмитрий Анисимова (“Яшкильдино”), чи лайăх тапăнса вылякана Владимир Ильина (“Факел”), чи лайăх вылякана Егор Дуброва (“Спортинг”) йышăнчĕç.