Публикации » Раççей шайĕнчи Хисеп грамотине тивĕçрĕç

29 августа 2017 г.

О. Г. Гурьева чылай тапхăр Трак вăтам шкулĕнче пуçламăш класс учителĕ пулса ĕçлет. Хăйĕн ĕçне чунтан юратса пурнăçлать Ольга Геннадьевна. Ахальтен мар ĕнтĕ вăл вĕрентекен ачасен ашшĕ-амăшĕсем ун пирки яланах ăшă сăмахсем çеç калаççĕ. О. Гурьева тăтăшах çак тытăмра йĕркелекен конкурссене хутшăнать, малти вырăнсене йышăнать. Е. М. Исакова та — вĕрентекен. Елена Мефодьевна Красноармейскинчи вăтам шкулти кĕçĕн классенчи пепкесене çирĕп пĕлỹ, тивĕçлĕ воспитани парассишĕн ырми-канми тăрăшать. Ахальтен мар шкул дирекцийĕ ун пирки яланах ăшă сăмахсем çеç калать. Нумаях пулмасть иртнĕ педагогсен августри конференцийĕнче ЧР вĕрентỹ тата çамрăксен политикин министрĕн пĕрремĕш çумĕ С. Кудряшов О. Г. Гурьевапа Е. М. Исакована РФ Вĕренỹ тата наука министерствин Хисеп грамотипе наградăларĕ, ăнăçусем сунчĕ.

Источник: "Ял пурнăçĕ" (Красноармейская районная газета)