23 июля 2019 г.
Иртнĕ эрнекун, ку уйăхри ĕç планĕпе килĕшỹллĕн, район администрацийĕн тата ял тăрăхĕсен специалисчĕсем Пĕтĕм Раççейри физкультурăпа спорт комплексĕн “Ĕçпе хỹтĕлеве хатĕр” (ГТО) нормативĕсене пачĕç. Çавна май Красноармейскинчи “Центральнăй” стадионта пысăк уяв иртрĕ. Спорт уявне пухăннисене район администрацийĕн пуçлăхĕ А. Кузнецов саламларĕ. “ГТО комплексĕн нормативĕсене панин тĕп тĕллевĕ сывлăха çирĕплетесси, çынна пур енлĕн аталанма май туса парасси, партиотизмпа гражданлăх туйăмне ỹстересси, РФ гражданĕсен пурнăç условийĕсене лайăхлатасси пулса тăрать”, — терĕ Александр Николаевич. Ăмăртăва хутшăннисем вăй-хала çирĕплетес, хăвăртлăха, чăтăмлăхпа тỹсĕмлĕхе, çаврăнăçулăха, çивĕчлĕхпе вичкĕнлĕхе ỹстерес енĕпе нормативсем пачĕç, 30 м, 2000 м чупрĕç, Дипломсене тивĕçрĕç.
Источник: "Ял пурнăçĕ" (Красноармейская районная газета)