11 января 2019 г.
Кăрлач уявĕсем пире вун-вун спорт ăмăртăвĕ парнелерĕç. Çĕмĕрле хула администрацийĕн физкультурăпа спорт тата туризм пайĕ йĕркеленипе йĕлтĕр спортне кăмăллакансем хушшинче, спорт ветеранне А.Н. Талыкова асăнса, “Туслăх кубокне” çĕнсе илессишĕн хулан уçă чемпионачĕ иртнĕ. Унта пирĕн ентеш, Кỹлхĕрри Карайри Юрий Федоров та хутшăннă. Вăл 5 çухрăмлă дистанцире тупăшса 18.46 минут вăхăт кăтартнă, виççĕмĕш вырăн йышăннă.
Источник: "Ял пурнăçĕ" (Красноармейская районная газета)