02 августа 2013 г.
Шупашкарта, ЧР Транспорт министерствин лару залĕнче, “Хăвăрт çÿретекен “Мускав — Хусан — Екатеринбург” тĕп чукун çул туни тавралăха епле витĕм кÿме пултарасси пирки халăх итлевĕ иртнĕ.
Чукун çул Чăваш Ен территорийĕпе Етĕрне, Муркаш, Шупашкар тата Сĕнтĕрвăрри районĕсем урлă иртмелле.
Пысăк хăвăртлăхлă “Мускав — Хусан — Екатеринбург” магистраль (тăршшĕ — 1620 çухрăм, электропуйăссен сехетри хăвăртлăхĕ 300 километртан кая мар, çул çинчи вăхăчĕ — 8 сехете яхăн) РФ чукун çул транспорчĕн 2030 çулчченхи аталану стратегийĕпе тата “Раççей чукун çулĕ” АУО çулĕсемпе хăвăрт тата пысăк хăвăртлăхпа çÿретессине 2020 çулччен аталантармалли программăпа килĕшÿллĕн тума палăртнă. 920 млрд тенкĕлĕх проекта пурнăçласан эпир Мускава — 3 сехетре, Хусана —35 минутран, Екатеринбурга 4 сехетрен çитетпĕр.
Источник: "Ял пурнăçĕ" (Красноармейская районная газета)