06 мая 2011 г.
Апрелĕн 22-мĕшĕнче Красноармейскинчи физкультурăпа сывлăха çирĕплетмелли центрта сĕтел çи теннисла выляса “Чул хула трансгаз Газпром” пĕрлешÿн филиалĕн — Заволжски ЛПУМГăн парнисене çĕнсе илессишĕн ăмăрту иртнĕ.
Ăмăртăва районти 8 шкулти (Красноармейски 2-мĕш вăтам шкулĕнчи, Трак гимназийĕнчи, Мăн Шетмĕ, Еншик Чуллă, Алманч, Пикшик вăтам шкулĕсенчи, Кĕçĕн Шет-мĕ, Чатукасси шкулĕсенчи) 26 теннисист, вăл шутра 9 хĕр, хутшăннă.
Мăн Шетмĕ шкулĕнчи теннисистсем (тренерĕ Р. А. Скворцов) çĕнтерÿçĕсем пулса тăнă. Финалта вĕсем Алманч вăтам шкулĕн командинчен 4:1 шутпа выляса илнĕ. 3-мĕш вырăншăн пынă мачтра Красноармейски 2-мĕш вăтам шкулĕн команди (тренерĕ Е. В. Баранова) пикшиксенчен вăйлăрах пулнă — шут 4:0.
Источник: "Ял пурнăçĕ" (Красноармейская районная газета)