30 мая 2017 г.
Майăн 27-мĕшĕнче Пĕтĕм тĕнчери ачасене хỹтĕлемелли куна халалласа "Кĕтне" ФСК-ра спорт уявĕ иртрĕ.
Районти спортпа туслă çемьесем "Пĕтĕм çемьепе - старта" çуркуннехи фестивальте тупăшрĕç. Ашшĕ-амăшĕсем, ачисем эстафета чупса, вырăнтан тăршшĕне сиксе тупăшрĕç. Çемьесем дартс вăййинче те вăй виçрĕç, бассейнра ишсе ăмăртрĕç.
Чи маттуррисем ăмăртура çĕнтерчĕç. Старта тухнă çемьесенчен Комсомольски ял тăрăхĕнче пурăнакан Степановсем тата Ефремовсем (Йỹç Шăхаль) фестиваль çĕнтерỹçисем пулса тăчĕç. Шемекеевсемпе (Комсомольски) Александровсем (Александровка) - ăмăрту призерĕсем.
Спорт вăййисене хутшăнакан çемьесем ытларах пулсан аванччĕ те. Кашни çулах пĕр çемьесемех ачисемпе старта тухаççĕ, ыттисен спортпа туслашма вăхăт çитеймест-ши?
Ю.БОРОВКОВ
Источник: "Каçал Ен"