03 ноября 2015 г.
Шурут тăрăхĕнче пурăнакансем килти хуçалăхра ĕне выльăх йышлă тытаççĕ. Ара, сĕт, аш-какай сутса укçа-тенкĕ тумасан шалупа çеç пурăнма йывăр ял çыннине. Çавăнпах нумайăшĕ сĕте "Урожай" колхоза сутать. Хуçалăх продукцие пуринчен те пĕр хакпа туянмасть. Чĕртаварăн çу хисепне кура пĕр килограмшăн 19-20 тенкĕпе пуçтаратпăр, чи паха, сортлă сĕте вара - 21 тенкĕпе.
Ĕçе çакăн пек йĕркеленине пула ял çыннисем ытти коммерсантсене мар, тăван хуçалăхах сутма тăрăшаççĕ. Акă, кăçалхи 9 уйăхра килти хушма хуçалăхсенчи кашни ĕнерен 3166 килограмм сĕт туяннă. Çакă - районти чи пысăк кăтарту. "Урожай" колхоз сĕте "Молочный двор" организацие вырнаçтарать.
А.ЕРШОВ.
Источник: "Каçал Ен"