30 июля 2014 г.
Ял хуçалăхĕнче ырми-канми ĕçлекенсем пуртан ỹсĕмсем курăмлă. Уйрăмах фермăра тăрăшакансен ĕçĕ пархатарлă. Ĕçченсем ир-ирех килти ĕçсене вĕçлесе, выльăх-чĕрлĕхĕсене пăхса фермăна васкаççĕ.
Çакăн пек ĕçченсенчен пĕри - "Победа" ЯХПК-ра тăрăшакан Елена Афанасьевна Шикова. Маттур та пултаруллă доярка 30 çула яхăн ферма çулне такăрлатать. Çил тăман-и, сивĕ çанталăк-и, çумăр çăвать-и - вăл яланах ĕçе васкать. Елена Афанасьевнăна 30 ĕне çирĕплетсе панă. Кашни ĕнерен вăтамран талăкра 17 килограма яхăн сĕт сăвать вăл. Çулталăкне вара - 6 пин ытла килограмм. Елена Шиковăна ĕçри ỹсĕмсемшĕн Хисеп тата Тав хучĕсемпе, Дипломсемпе чысланă. Ăна пĕрле ĕçлекенсем те чунтан хисеплеççĕ, унран тĕслĕх илеççĕ.
Источник: "Каçал Ен"