16 апреля 2014 г.
Апрелĕн 13-мĕшĕнче Чăваш Енри 11 районта вырăнти хăй тытăмлăх органĕсен хушма суйлавĕсем иртнĕ. Пирĕн районти Шурут тăрăхĕнче пурăнакансем çав кун ял поселенийĕн пуçлăхне суйланă.
Ял поселенийĕн пуçлăхĕ пулма унта икĕ çын кандидатурине тăратнă: Елена Козловăпа Анатолий Кузьмин. Шурут ял поселенийĕнче списока пурĕ 1392 суйлавçа кĕртнĕ. Суйлава вĕсенчен 856-шĕ хутшăннă е 61,49 процент. Елена Ивановна Козловашăн 589 суйлавçă сасăланă, Анатолий Николаевич Кузьминшăн - 247-ĕн. 20 бюллетене чăн мар тесе йышăннă.
Суйлавçăсен ытларах сассине тивĕçнĕ Елена Ивановна Козлова Шурут ял поселенийĕн пуçлăхне суйланнă тесе Комсомольски территориллĕ суйлав комиссийĕ йышăну кăларчĕ.
Н.РОЗОВА.
Источник: "Каçал Ен"