11 июня 2013 г.
Россия Федерацийĕн Конституцийĕ — çĕр-шывăн чи аслă нормăпа право акчĕ. Кăçал ăна йышăннăранпа 20 çул çитет. Çакна халалласа çĕр-шывра çамрăксен «12 Декабря.ru» порталне хута янă. Интернет-проектăн тĕллевĕ — ачасемпе çамрăксене Раççейĕн тĕп саккунĕпе кăсăклантарасси.
Паянхи кун Конституци çинчен калакан сайтсем тата та пур, анчах вĕсене пĕр-пĕр професси çыннисем валли ятарласа хатĕрленине кура çамрăксемшĕн вĕсем интереслĕ мар. Çĕнĕ проект вара информацие урăхла вырнаçтарнипе уйрăлса тăрать. Конституци статйисен тулли тата кĕскетнĕ варианчĕ-сене пăхма пулать. Документăн кĕскетнĕ версийĕнче статьясене çăмăл тата ăнланмалла чĕлхепе çырса панă, иллюстрацисемпе тата ăнлантаракан ссылкăсемпе пуянлатнă.
Источник: "Каçал Ен"