05 июня 2013 г.
«Победа» ял хуçалăх производство кооперативĕн машинăпа трактор паркне пырсан Андрей Иванов, Константин Анисимов тата Николай Иванов опрыскиватель юсатчĕç. «Пĕрле ĕçлесен ĕç те кал-кал пырать, кун иртни те сисĕнмест», — терĕç вĕсем.
Андрей Иванов, 1978 çулта ялти шкултан вĕренсе тухсан, Шупашкарти 8-мĕш профессипе техника училищинче слесаре вĕреннĕ. Ун хыççăн Мускавра сварщик специальноçне алла илнĕ. Унта темиçе çул ĕçлесен тăван яла таврăннă, 1992 çулта сварщике вырнаçнă.
Çитес çул 60 тултаракан Николай Иванов хăйĕн пурнăçне ял хуçалăхĕпе кăна çыхăнтарнă. «Тăван колхозсăр пуçне эпĕ урăх ниçта та ĕçлесе курман. Тивĕçлĕ канăва тухсан та кунтан пăрахас шухăш çук», — тет Николай Федорович, ĕçне чунтан парăннăскер.
Константин Анисимов (Юнтапа ялĕ) 8 класс пĕтерсен Çĕрпÿри совхоз-техникума вĕренме кĕнĕ, техник-механик специальноçне алла илнĕ. 1984—1986 çулсенче Амур облаçĕнче çар тивĕçне пурнăçланă. Халĕ Константин Петрович «Победа» ЯХПКра слесарьте, гараж заведующийĕнче тăрăшать.
Хăйсен тивĕçĕсене А.Иванов, К.Анисимов тата Н.Иванов тата çÿлти шайра пурнăçлаççĕ.
М.ИЛЛАРИОНОВА.
Источник: "Каçал Ен"