29 марта 2008 г.
Нумаях пулмасть Шупашкарта çамрăк юрăçсен "Кĕмĕл сасă" фестивалĕ иртнĕ. Унта хамăр республикăран çеç мар, Пушкăртстан, Тутарстан тăрăхĕсенчен, Чĕмпĕр, Саратов, Калининград облаçĕсенчен, Камчаткăран чăваш юррисене юратакансем килсе çитнĕ. Пирĕн районти Аслă Чурачăк хĕрĕ Алина Просвирнова "Туйăм юррипе" сцена çине тухнă. Хĕр ăна хăех çырнă, Л.Деменева кĕвĕленĕ. Алина фестивале пĕлтĕр те, виçĕмçул та хутшăннăччĕ. Кăçал вара вăл пĕрремĕш вырăн çĕнсе илнĕ, РФ Патшалăх Думин депутачĕн П.Семеновăн парнине тивĕçнĕ. А.Просвирновăна саламлатпăр, малашне те ăнăçусем сунатпăр.
Источник: "Каçал Ен"