22 января 2016 г.
Пĕтĕм халăхсен "Артек" ача-пăча центрĕ тата Раççей Почти ачасен çырăвĕсен конкурсне ирттереççĕ. Çĕнтерỹçĕсене "Артекра" канма путевка парнелеççĕ.
Конкурса 10-16 çулсенчи ачасем хутшăнма пултараççĕ. Вĕсен "Я хочу в Артек" темăпа алă вĕççĕн çыру çырса хатĕрлемелле те апрелĕн 18-мĕшĕччен çырăва ача-пăча центрне ярса памалла. Адресĕ: 298645, Республика Крым, пгт. Гурзуф, детский центр "Артек", "Почта Артека". Çырусене заказпа тата уведомленипе ямалла, "конкурса" тесе палăртма манмалла мар.
Конкурса "Артекăн" çуралнă кунĕнче - кăçалхи июнĕн 16-мĕшĕнче пĕтĕмлетеççĕ. Конкурс положенийĕпе тĕплĕнрех "Артек" ача-пăча центрĕн сайтĕнче паллашма пулать www.artek.org.
Источник: "Каçал Ен"