22 сентября 2007 г.
Тăван яла, шкула пулăшу кỹрекен чăннипех те пархатарлă çын тесе калас килет. Акă, Пĕлỹ кунĕнче пирĕн ентеш, Чăваш Республикин Патшалăх Канашĕн депутачĕ, "Чăвашрегионгаз" ООО генеральнăй директорĕ К.С.Мифтахутдинов Урмаелĕнчи вăтам шкула спонсорла пулăшу пачĕ. Уйăрнă укçа-тенкĕпе тĕллевлĕн усă курма сĕннĕ. Çавна май вăтам шкулăн спортзалне тĕпрен юсаса çĕнетме шутларăмăр. Ачасене тĕрлĕ енлĕн аталанса, сывлăха çирĕплетме тĕрлĕ йышши спорт инвентарĕ туянтăмăр. Халĕ спортзалта хăтлă та тирпейлĕ, илемлĕ. Шкул ачисемпе вĕрентекенсем те кăмăллă. Кияметдин Сатыртдиновича пулăшу кỹнĕшĕн, пурлăх базине пуянлатнăшăн тав сăмахĕ калас килет.
Источник: "Каçал Ен"