08 ноября 2014 г.
Халăх пĕрлĕхĕн кунĕнче, ноябрĕн 4-мĕшĕнче, Чăваш патшалăх оперăпа балет театрĕнче "Раççей халăхĕсем пĕр çемьере" фестиваль иртнĕ. Унта наци культура пĕрлĕхĕсен, тĕн конфессийĕсен ертỹçисем, ЧР Культура министерстви çумĕнчи Национальноçсен ĕçĕсен канашĕн членĕсем, влаç органĕсен представителĕсем, тĕрлĕ халăх çыннисем хутшăннă. Фестивале пухăннисем, халăх коллективĕсем театр фойинче юрланă, ташланă, пурте пĕрле алла-аллăн тытăнса савăннă. Çавăн пекех кашни халăх хăйĕн тутлă апат-çимĕçĕпе сăйланă.
Асăннă фестивале пирĕн районти "Мишар" ансамбль те хутшăннă.
Источник: "Каçал Ен"