Публикации » Потребительсен прависене пăснă

16 января 2013 г.

Роспотребнадзор управленийĕн Патăрьелĕнчи территори уйрăмĕ 2012 çулхи 4-мĕш кварталта потребительсен прависене хÿтĕлекен саккунсене пăснине тупса палăртас тĕллевпе тĕрлĕ мероприятисем ирттернĕ. Тĕрĕслев вăхăтĕнче Урмаел, Тукай Мишер ялĕсенчи уйрăм çынсен магазинĕсенче саккуна пăснă тĕслĕхсене тупса палăртнă. Вĕсенче усă курмалли вăхăчĕ иртсе кайнă е пахалăх çинчен калакан документсемпе тивĕçтермен апат-çимĕç сутнине, тавара тĕрĕс мар упранине тупса палăртнă. Унсăр пуçне сутуçăсем таварăн йывăрăшне йăнăш кăтартнă, тавар хакĕсене кăтартакан хутсене кирлĕ пек çырса хатĕрлемен. Çавăн пекех табак хатĕрĕсене вĕренÿ учрежденийĕсен çывăхĕнчех е хаклăрах хакпа сутнă. Йĕркене пăсакансене административлă явап тыттарнă, пурĕ 47800 тенкĕлĕх штраф тÿлеттернĕ.

Источник: "Каçал Ен"