Публикации » ВОИН-ИНТЕРНАЦИОНАЛИСТ ЯЧĔПЕ ИРТРĔ

26 марта 2008 г.

Тăманлă Выçли вăтам шкулĕнче В.Тумаков воин-интернационалиста халалласа кашни çулах волейбол турнирĕ ирттереççĕ. Кăçал унта сакăр команда хутшăнчĕ. Ăмăртăва Афганецсен Раççейри союзĕн районти уйрăмĕн представителĕсем Н.В.Белков, И.П. Сизов, М.А.Киргизов килсе çитнĕ. Вĕсем чи малтан сăмах илсе калаçрĕç, спортсменсене ăнăçу сунчĕç. Ăмăртусем çивĕч иртрĕç. Çапах та чи пултаруллисем вăйăсене çĕнтерỹпе вĕçлерĕç. Пĕрремĕш вырăна Шурут ял çамрăкĕсем тата Çĕнĕ Мăрат вăтам шкулĕн ачисем йышăнчĕç, куçса çỹрекен кубока çĕнсе илчĕç. Иккĕмĕш вырăнта - Тăманлă Выçлири ял çамрăкĕсем тата шкул ачисем. Вăйăсене ирттерме М.А.Киргизов воин-интернационалист, "Нива" агрофирма директорĕ Н.М.Перьев тата Тукай ял поселенийĕн пуçлăхĕ П.А.Муллин спонсорла пулăшу пачĕç. Вĕсене тав сăмахĕ калатпăр.

Источник: "Каçал Ен"