Публикации » ТИМĔРЧКАССИСЕМ МАТТУР

04 апреля 2007 г.

Мартăн 31-мĕшĕнче Шăмăршă салинче шкул ачисем хушшинче ирĕклĕ майпа кĕрешессипе республикăри турнир пулнă. 1993-1994, 1995-1996 çулхи арçын ачасем Чăваш Республикин Патшалăх Канашĕн депутачĕн Владимир Ермолаевăн парнисене çĕнсе илессишĕн тупăшнă. Асăннă турнира Анат Тимĕрчкасси вăтам шкулĕнчи кĕрешỹçĕсем те тăххăрăн хутшăннă. Александр Артемьев (58 кг), Максим Анисимов (38 кг), Сергей Никифоров (50 кг) хăйсен виçисенче иккĕмĕш вырăнсене тивĕçнĕ. Виççĕмĕш вырăнта вара - Роман Козлов (30 кг), Юрий Степанов (30 кг), Степан Данилов (38 кг). Çамрăк кĕрешỹçĕсене Валерий Денисов тренер хатĕрленĕ. Маттур спортсменсене çитĕнỹсемпе саламлатпăр, малашнехи тупăшусенче ăнăçу сунатпăр. 

Источник: "Каçал Ен"