23 января 2018 г.
Нина Николаевна Капитонова (Анат Тимĕрчкасси ялĕ):
"Каçал ен" хаçатпа 50 çул ытла туслă ĕнтĕ. Хаçатра пичетленекен пĕтĕм материала тĕплĕн вулатăп. Ку кăларăмра кашни ỹсĕмри çын хăйне валли усăллине те, кирлине те тупма пултарать. Кашни рубрика хăйне евĕр интереслĕ вĕт. Эпĕ вара уйрăмах пултаруллă çынсен пурнăçĕпе паллаштаракан материалсене, калавсене, районти, республикăри хыпарсене вулама кăмăллатăп. Пур темăна та анлă çутатаççĕ журналистсем.
Сăмах май, "Каçал ен" хаçат ĕçченĕсем 2017 çулта пуçласа лотерея вылявĕ йĕркелени те - ырă пулăм. Хисеплĕ вулакансем валли чылай парне хатĕрленĕ вĕсем. Хаçат тусĕсене тăватă машина вутă парнелени вара уйрăмах хавхалантарать. Лотерея вылявĕ малашне те пултăрччĕ. Эпир вара "Каçал ене" яланах çырăнăпăр. Пирĕн туслăх çирĕпленсех пытăр.
Источник: "Каçал Ен"