12 января 2018 г.
Чăваш Республикин Пуçлăхĕ Михаил Игнатьев Патшалăх Канашĕпе Чăваш Ен халăхĕ патне çитес ытларикун, январĕн 16-мĕшĕнче, çулленхи Çырупа тухать.
Мероприяти Чăваш патшалăх оперăпа балет театрĕнче иртет.
Çырура регионăн социаллă пурнăçĕпе экономика аталанăвĕн çул-йĕрĕ пирки тĕплĕ тишкерỹ пулĕ. Чăваш Ен Правительствин, Чăваш Республикин Патшалăх Канашĕн, вырăнти хăй тытăмлăх органĕсен, предприятисемпе организацисен ĕç-хĕлне çутатса парĕ, пуласлăхри тĕллевсене те палăртĕ.
Ĕç хутне хатĕрленĕ чухне халăхăн шухăшне, обществăлла организацисен сĕнĕвĕсене итленĕ, тĕпе хунă, граждансен обществин институчĕсен ыйтăвĕсене те пăхса тухнă.
Пухăвăн ĕçне "Россия 24", НТРК Чăваш Ен - FM 105,0 МГц и УКВ 72,41 МГц, интернет - mms://media.cap.ru/ChuvRadio эфирĕсенче тỹрĕ кăларăмра пăхма тата итлеме пулать, кунсăр пуçне Чăваш Республикин официаллă порталĕнче курма май пулĕ.
vibor2@cap.ru <vibor2@cap.ru>; vibor@cap.ru <vibor@cap.ru>; vibor3@cap.ru <vibor3@cap.ru>
Источник: "Каçал Ен"