01 декабря 2017 г.
Часах Çĕнĕ çул та çитет. Хĕл мучи таврана шурă пĕркенчĕкĕпе лайăхах витеймерĕ-ха, апла пулин те вăл çак çитменлĕх пирки часах аса илĕ тесе шансах тăратпăр.
Çĕнĕ çулччен уйăх çеç юлчĕ. Апла пулсассăн, туссем, халĕ - тăван тавралăха, кил-çуртпа ĕç вырăнĕсене илемлетмелли хĕрỹ тапхăр. Çынсене çак ырă ĕçе хавхаланса хутшăнтарас, район сăн-сăпатне татах та илемлетес тĕллевпе район администрацийĕ декабрĕн 1-25-мĕшĕсенче "Çĕнĕ çул фантазийĕ" конкурс ирттерме палăртнă. Унта организацисемпе предприятисем, уйрăм хуçалăхсем, ял тăрă-хĕсем тата предпринимательсем хутшăнма пултараççĕ. Заявкăсене декабрĕн 25-мĕшĕччен çак адреспа йышăнаççĕ: Комсомольски ялĕ, Завод урамĕ, 57-мĕш çурт, 20-мĕш пỹлĕм. Çĕнтерỹçĕсене виçĕ номинацире палăртаççĕ. Вĕсене Хисеп грамотисемпе асăнмалăх парнесем парса хавхалантарĕç.
Информаципе тĕплĕнрех Комсомольски районĕн официаллă сайтĕнче паллашма пулать.
Источник: "Каçал Ен"