04 августа 2017 г.
Тукай ял тăрăхĕн территорийĕнчи ялсенче чечек ỹстерекен йышлă. Çак илем кунсерен хăй илемĕпе ял-йыша савăнтарать.
Тукай ял тăрăхĕн администрацийĕ чи илемлĕ пахчана палăртас тĕллевпе çулсеренех конкурс ирттерет. Нумаях пулмасть конкурс комиссийĕ Вутлан ялĕнчи Мира Петрова, Татьяна Анисимова, Алена Прокопьева, Тамара Тарасова, Ирина Яковлева, Лариса Зверева пахчисенче ỹсекен чечексемпе киленнĕ. Çитес кунсенче тата ыттисем патне те çитме тăрăшĕç.
Кашнин пахчинчи чечексене хакласан ял администрацийĕн специалисчĕсем конкурса пĕтĕмлетĕç. Уйрăмах илемлисене вĕсем хавхалантарма палăртнă. Чечексем тавралăх илемĕ тата кил хуçисем чунпа пуяннине çирĕплетеççĕ. Илем тĕнчене çăлать тесе ахальтен каламаççĕ.
Тукай ял тăрăхĕн сайтĕнчен
Источник: "Каçал Ен"