14 апреля 2017 г.
Ака уйăхĕн 8-мĕшĕнче Çĕнĕ Шупашкар хулинче Чăваш Республикинчи спортсменсем çăмăл атлетика енĕпе тупăшрĕç. Республикăри турнир Б.Н.Елизаров ячĕпе çулсеренех иртет. Унта 2000 çулта тата каярах çуралнă яшсем хутшăнчĕç.
Тупăшура республикăри хуласемпе районсенчи 23 спорт шкулне çỹрекен çамрăксем тупăшрĕç. Вĕсен 60, 400, 800, 1500 метр чупса тата çỹллĕшне сиксе ăмăртма тỹр килчĕ. Унта Комсомольски районĕнчи "Кĕтне" физкультурăпа спорт комплексĕн воспитанникĕсем те хутшăнчĕç. Республика шайĕнче район чысне хỹтĕлеме 10 çамрăка шанчĕç. Кĕтни, шанни сая каймарĕ - 800 метрлă дистанцие чупса Стас Курицын 2-мĕш вырăн çĕнсе илме пултарчĕ. Маттур яша çитĕнỹсем татах та кĕтчĕр!
Источник: "Каçал Ен"