26 сентября 2015 г.
Тукай ял библиотекин çамрăк вулавçисем Людмила Борисовна Шорникова библиотекарь ертсе пынипе Чăваш Республикин Культура, национальноçсен тата архив ĕçĕсен министерстви йĕркеленĕ "Детско-юношеская библиотека" конкурса хутшăнса палăрнă.
Акă 9-мĕш класра вĕренекен Ирина Никитинăна "Я - увлеченный человек" видеороликсен электронлă презентацийĕсен конкурсĕнче "Лучшая электронная презентация" номинацире Тав хучĕпе чысланă. 7-мĕш класра вĕренекен Аня Матросова тата 5-мĕш класра пĕлỹ пухакан Настя Афанасьева "Прикосновение к мастерству" литература произведенийĕсемпе никĕслесе хатĕрленĕ республикăри фестиваль-конкурса хутшăнса Тав хучĕсене тивĕçнĕ.
Эпир вара çамрăк вулакансене малашне те вĕренỹре тата пултарулăхра ăнăçу сунатпăр.
Л.ШОРНИКОВА
Источник: "Каçал Ен"