Публикации » Каçал тăрăхĕнче кашамансем иртĕхме пуçланă

12 февраля 2013 г.

Вăрман тухтăрĕ теççĕ пулин те çăткăн, тискер чĕр чун хăрушă мар теме çук. Кăçал вара кашкăрсем уйрăмах канăçсăр. Вĕсене Каçал тăрăхĕнче кĕркуннех асăрханă-ха, анчах каплах айкашасса кĕтмен. Кашамансем ялтан аякра мар вырнаçнă утара тапăнсан Тури Тимĕрчкасси сунарçисем вĕсене йĕрлесе тытма шутланă.
Халиччен Чăваш Енре харăсах кун чухлĕ кашкăр тытни пулман. Сунар та çынсен тỹсĕмлĕхĕпе вăй-халне чылайччен тĕрĕсленĕ. Утарти йытта çурса тăкнă тискер кайăксен йĕрĕ çине ỹкме ансатах пулман. Кашкăрсем вăрманти ахаль те сайра хутра тĕл пулакан чĕр чунсене пĕтерни пăшăрхантарать сунарçăсене. Унпа пĕрлех кашамансем тискер тата килти чĕр чуна хăрушă чир-чĕр ертесси те пур. Сунар ăнăçлă иртнине халĕ кашаман тирĕсем аса илтереççĕ. Вĕсене хальлĕхе пăрахман.

Источник: ГТРК "Чувашия"