Публикации » Волейбол турнирĕ иртрĕ

Йăлана кĕнĕ тăрăх пуш уйăхĕнче Çĕнĕ Мăратри вăтам шкулта Чечня вăрçинче пуçне хунă Леня Борисова асăнса волейбол турнирĕ иртет. Кăçал вăл 18-мĕш хут пулчĕ. Ăмăртăва пурĕ 7 команда хутшăнчĕ. Вăйăсем питĕ хĕрÿн иртрĕç. Çивĕч тупăшура Çĕнĕ Мăрат вăтам шкулĕн спортсменĕсем вăйлăрах пулни курăнчĕ. 2-мĕш вырăнта — Патăрьел районĕнчи Первомайски вăтам шкулĕн спортсменĕсем, 3-мĕш вырăнта — Шурут вăтам шкулĕн ачисем.

Ял çамрăкĕсем хушшинче те çĕнĕмăратсем палăрчĕç. 2-мĕш вырăнта — Тимĕрчкасси çамрăкĕсем, 3-мĕш вырăнта — тăманлăвыçлисем.

Çĕнĕ Мăрат шкул дирекцийĕ тата оргкомитет ăмăрту ирттерме пулăшнă спонсорсене, «Рассвет» тата «Заря» ял хуçалăх кооперативĕсен пуçлăхĕсене В.А. Никифорова, В.А.Макарова, уйрăм предпринимательсене Н.М.Соловьева, З.Н.Истратие, М.А.Киргизова, Тукай ял тăрăхĕн пуçлăхне О.П.Андреевăна, Комсомольскинчи налук инспекцийĕн пуçлăхĕн çумне Г.Н.Филиппова, «Промкерамика» уçă организацин пуçлăхне В.Г.Васильева чĕререн тав тăваççĕ.